By 晞語

照顧他人，最後總是自己最疲累

長期情緒疲累，唔係單一事件造成，而係由細到大逐步累積的結果，由細到大，屋企、學校、公司都教大家要照顧別人。

屋企會話：「你大個仔/大個女，要照顧弟妹…」

學校教分享、包容同友愛…

公司強調團隊精神，要互相配合…

教導互助友愛的初衷雖好，但同時亦可能令你習慣將自己放在其他人後面，將自己的需要及渴望忽略掉。

為何習慣照顧別人？

好多時，照顧別人係你性格、習慣或者愛的表達方式，你覺得順理成章去體諒、遷就、包容他人，甚至唔介意犧牲自己一時的情緒。

可惜，當長期忽略自己感受，內心慢慢累積疲累，就容易出現情緒壓抑同長期情緒委屈嘅狀態。

情緒累積過程

長期照顧別人但唔顧自己，有以下一些普遍狀況及跡象：

小委屈累積：覺得自己唔被理解，或者好似冇人注意到你的需要及感受。

疲累感加深：開始對身邊環境，事物失去熱情幹勁，對日常事變得麻木。

自我懷疑：覺得自己好似唔配被重視，甚至覺得自己做極都唔夠好。

沉默與內耗：唔想表達想法，怕被人曲解與拒絕，逐漸沉入情緒黑洞。

身心警號：睡眠、精神、情緒都出現問題，影響生活質素，社交。

以上的狀況都係長期委屈情緒，引致疲累的常見現象。

為何忽略自己？

有時，當你想照顧自己的需要，會被認為係「自私」、「不體諒他人」但你唔想過份遷就別人，拒絕又擔心會傷害對方感受，變得難以拒絕，慢慢地，人際交往的界線模糊，情緒抑壓累積，又無人了解你，幫你整理難以開口的心情。

如何開始照顧自己？

健康界線唔係代表不斷拒絕別人，而係：

清楚知道自己可以付出幾多
知道點做會超出自己承受範圍
學識講「唔得」係為自己建立建康的空間

用農夫同種子間的關係做例子：

農夫提供養分，種子慢慢生長，當農夫過量施肥，種子未必健康甚至枯萎，農夫自己亦會因過度付出感到疲累。所以健康的循環係雙方都付出，都有回應同成長的空間。

同理，關係往來，亦需要彼此都有答應或拒絕的回應的空間，否則單方面的照顧付出就會累積疲累，甚至令到情緒崩潰。

晞語講的照顧陪伴唔係教你停止付出，而係幫你睇清：

只要你願意整理自己嘅情緒，慢慢調整付出方式，就可以重拾內心嘅光芒同自我價值。

如果你最近覺得累、迷茫、甚至唔知道點開始照顧自己，唔需要擔心😊

有時，停一停，重新理解自己的需要，就係邁向情緒健康最重要的第一步💖